Mbrojtësi i Real Madridit, Dani Carvajal ka zbuluar se superylli i Paris Saint Germain, Neymar, ka thënë një herë se do të nënshkruante për gjigantin spanjoll.

Rasti ndodhi 12 vite më parë kur Neymar ishte duke u stërvitur me skuadrën e të rinjve të ‘Los Blancos’ në vitin 2006 kur ai ishte ende nën kontratë me skuadrën braziliane Santos, transmeton portali arbresh.info.

Carvajal ishte gjithashtu pjesë e tyre dhe ka folur rreth deklaratave të Neymarit që në një të ardhme do të transferohej në Real Madrid.

“E mbaj mend në formë perfekte Neymarin në skuadrën e të rinjve”, ka thënë mbrojtësi spanjoll për ‘Libero’.

“Ai na ka thënë se do të qëndronte dhe ne e kemi ngritur lartë dhe festuam së bashku me të”

Braziliani nisi karrierën te skuadra e fëmijërisë Santos, ku me shpejtësi tregoi aftësitë e tij që i siguruan më pas kalimin te rivali i Real Madridit – Barcelona.

Derisa po luante te gjiganti katalunas, Neymar dëshironte t’i largohej hijes së Lionel Messit dhe në formë befasuese kaloi te PSG./arbresh.info/